Penwythnos Ynys Gwyllt i Deuluoedd

Dewch i fwynhau profiad gwyllt a bythgofiadwy ar Ynys Echni.

Bydd pwyslais y penwythnos hwn ar ddysgu wrth gael llawer o hwyl.  Byddwch chi’n darganfod bywyd gwyllt yr ynys drwy weithgareddau fel pyllau glan môr, hela bwystfilod bach a dal gwyfynod. Efallai y byddwch chi’n ddigon ffodus i weld ein nadroedd defaid a madfallod celgar hyd yn oed. Heb anghofio wrth gwrs drigolion mwyaf amlwg (a swnllyd) yr ynys, y gwylanod!

Gallai gweithgareddau eraill, yn dibynnu ar y tywydd a’r tymor, gynnwys cribinio traethau, dysgu cynnau tân, tân ar y traeth, adeiladu lloches, celf amgylcheddol, llwybr trysor, a darganfod olion ac arwyddion anifeiliaid. Byddwch chi hefyd yn cael archwilio adeiladau hanesyddol diddorol Ynys Echni a phrofi heddwch a thawelwch yr ynys wrth i’r haul fachlud.

Mae’r cwrs yn fwyaf addas i deuluoedd â phlant 7 – 12 oed, ond nid yw hyn yn rheol gaeth – cysylltwch â ni os yw’ch plant yn hŷn neu’n iau a hoffech drafod p’un a fydd y penwythnos yn iawn i chi.

Llety i deuluoedd

Bydd pob teulu, yn dibynnu ar niferoedd, yn cael cynnig un o’r opsiynau llety canlynol naill ai yn ein hostel Ffermdy, neu yn y cae gwersylla cyfagos, bob un â defnydd a rennir o’r toiledau, cawodydd, lolfa a chegin hunanarlwyo yn y Ffermdy.

• unig ddefnydd o un o’n hystafelloedd gwely yn y ffermdy, gyda gwelyau bync
• ystafell bâr yn y Ffermdy
• hyd at bedwar pod cysgu sengl yn ein cae gwersylla, ger y Ffermdy.
• hyd at bedwar gwely yn ein Iwrt traddodiadol, yn ein cae gwersylla, ger y Ffermdy

Bydd y llety yn cael ei neilltuo ar sail y cyntaf i’r felin