Mae plant ysgol o Gaerdydd a’r ardal ehangach wedi sianelu eu creadigrwydd i helpu Awdurdod Harbwr Caerdydd (AHC) i godi ymwybyddiaeth o ddiogelwch dŵr ym Mae Caerdydd.
Gwahoddwyd disgyblion i ddylunio baneri sy’n cyfleu’r neges bwysig na ddylai pobl nofio ym Mae Caerdydd. Anogodd y gystadleuaeth bobl ifanc i feddwl am y peryglon sy’n gysylltiedig â nofio heb awdurdod a chyfleu’r wybodaeth hon a allai achub bywydau trwy ddyluniadau creadigol a trawiadol.
Mae’r baneri buddugol bellach yn cael eu harddangos mewn lleoliadau allweddol o amgylch y Bae, gan gynnwys Morglawdd Bae Caerdydd, Rhodfa’r Morglawdd a’r Dociau Sych, lle byddant yn cael eu gweld gan filoedd o ymwelwyr drwy gydol y flwyddyn.
Gellir gweld holl geisiadau cystadleuaeth ar tudalen diogelwch dwr.
Canmolodd y beirniaid safon uchel y ceisiadau, gan dynnu sylw at ddealltwriaeth gref y disgyblion o’r pwnc a’u gallu i gyfathrebu neges ddiogelwch hanfodol gyda chreadigrwydd a dawn artistig.
Hoffai AHC ddiolch a llongyfarch yr holl ysgolion a gymerodd ran:
- Ysgol Gynradd y Tyllgoed
- Ysgol Gynradd Howardian
- Ysgol Gynradd Palmerston
- Ysgol Uwchradd Gatholig Illtud Sant
- Ysgol Gynradd yr Eglwys yng Nghymru Sant Paul
- Ysgol Gynradd y Bont-faen
- Ysgol Garth Olwg
- Ysgol Gyfun Gymraeg Plasmawr
- Ysgol Gynradd Gymunedol Gymraeg Llantrisant
- Ysgol y Berllan Deg
Mae’r gystadleuaeth yn rhan o ymdrechion parhaus i hyrwyddo diogelwch dŵr ac annog trigolion ac ymwelwyr i fwynhau Bae Caerdydd yn gyfrifol.
August 6, 2026 2:44 pm.
Rhannu:
