Yn 2025, rydym yn dathlu 25 mlynedd o stiwardiaeth, arloesedd a chymuned ym Mae Caerdydd.
Dysgwch am:
- sut y dechreuodd y cyfan,
- ein prosiectau a chynnydd yn y bae a’r cyffiniau, a
- sut y gallwch chi ddathlu gyda ni!
Llinell Amser
Edrychwch ar ein llinell amser o ddatblygiadau arwyddocaol:
1999
Morglawdd Bae Caerdydd yn agor
Agorwyd Morglawdd Bae Caerdydd yn swyddogol, gan drawsnewid yr aber llanw yn llyn dŵr croyw 200 hectar.
Gosododd y prosiect peirianyddol nodedig hwn y sylfaen ar gyfer adfywio glannau Caerdydd a chreu Awdurdod Harbwr Caerdydd.
2000
CardiffSefydlu Awdurdod Harbwr Caerdydd
Byddai'r Awdurdod yn goruchwylio'r gwaith o reoli Bae Caerdydd ar ôl cwblhau'r morglawdd.
Roedd ei greu yn foment bwysig yn y gwaith o drawsnewid yr hen ddociau yn gyrchfan fywiog ar y glannau. Byddai ei gyfrifoldebau yn ymwneud â:
- llywio
- diogelu'r amgylchedd, ac
- ymgysylltu â'r cyhoedd.
2000 hyd heddiw
Prosiectau seilwaith mawr
Am dros 2 ddegawd, rydym wedi rheoli llawer o ddatblygiadau, gan gynnwys:
- adeiladu Pont y Werin,
- Canolfan Dŵr Gwyn Ryngwladol Caerdydd,
- safleoedd bws dŵr, a
- gwaith uwchraddio i systemau’r morglawdd a’r loc, i gefnogi llywio diogel a gwell mynediad i'r cyhoedd.
2000 hyd heddiw
Digwyddiadau diwylliannol ac yn y dŵr
Mae Bae Caerdydd yn ganolbwynt bywiog ar gyfer digwyddiadau. Mae wedi cynnal digwyddiadau dros y blynyddoedd, fel:
- y Gyfres Hwylio Eithafol,
- Ras Fôr Volvo,
- Gŵyl Bwyd a Diod Ryngwladol Caerdydd, a
- Gŵyl Harbwr Caerdydd.
Rydym yn chwarae rhan allweddol wrth gefnogi a rheoli'r digwyddiadau hyn, gan ddenu miloedd o ymwelwyr bob blwyddyn.
2000 hyd heddiw
Mentrau amgylcheddol
Mae'r Awdurdod yn arwain ar lawer o ymdrechion amgylcheddol, gan gynnwys:
- rheoli cynefinoedd yng Ngwlyptiroedd Bae Caerdydd,
- monitro ansawdd dŵr, a
- phlannu'r Goedwig Fach ar y morglawdd.
Rydym hefyd yn cefnogi rhaglenni addysgol ar ecoleg dŵr croyw, cynaliadwyedd a hanes – gan ymgysylltu â phobl ifanc mewn sesiynau ymarferol.
2000 hyd heddiw
Uchafbwyntiau ymgysylltu â'r gymuned
Rydym yn meithrin cysylltiadau cymunedol cryf, trwy waith ymgysylltu fel:
- allgymorth ysgolion,
- gosodweithiau celf cyhoeddus,
- diwrnodau glanhau gwirfoddol, ac
- arddangosfeydd treftadaeth.
Mae diogelwch dŵr yn fater pwysig. Ers 8 mlynedd, rydym wedi gweithio gydag artistiaid, busnesau, a Theatr na nÓg i gyflwyno'r cynhyrchiad 'Y Naid' arobryn i filoedd o ddisgyblion.
Mae hyn wedi helpu i dynnu sylw at beryglon bedd-faenio a nofio yn y bae a'r afonydd.
Oriel: y gorffennol a’r presennol
Cymharu’r bae dros y 25 mlynedd diwethaf:
Gweithgareddau 25 mlwyddiant
Dysgwch am ein dathliadau 25 mlwyddiant:
Arddangosfa ‘Y Tu Ôl i’r Bae’: 25 mlynedd o Awdurdod Harbwr Caerdydd
Dysgwch straeon heb eu hadrodd am y bobl sy’n cadw Bae Caerdydd i fynd. Mae ‘Y Tu Ôl i’r Bae’ yn arddangosfa ffotograffau drawiadol gan Nick Pumphrey a chyfranwyr eraill.
Mae’r prosiect yn dathlu 25 mlynedd o ymroddiad, arloesedd, ac ysbryd cymunedol yng nghalon yr harbwr.
Ewch i wefan y ffotograffydd i weld lluniau o’r arddangosfa ar-lein.
Gallwch hefyd ymweld â’r arddangosfa ar yr amseroedd ac yn y lleoedd canlynol:
- Haf 2025 – Bae Caerdydd
- Hydref 2025 – Castell Caerdydd
- Gwanwyn 2026 – Eglwys Norwyaidd
Taith berfformiadol ‘Tide-Traveller’
Ym mis Gorffennaf 2025, fe wnaethom ymuno â’r Lighthouse Theatre i greu taith berfformio ymdrochol. Cafodd cynulleidfaoedd eu tywys ar daith trwy hanes cyfoethog y bae, ar droed ac ar gwch, gan gynnig:
- straeon a phrofiadau,
- comedi slapstic,
- clasuron karaoke,
- caneuon morwyr, a
- chwrdd â chymeriadau fel Ardalydd Bute a haid o wyddau.
Cystadleuaeth ‘dylunio baner y bae’ i ysgolion
I ddathlu ein 25 mlwyddiant, fe wnaethom gynnal cystadleuaeth i blant oedran ysgol gynradd i ddylunio poster sy’n nodi’r hyn y mae Bae Caerdydd yn ei olygu iddyn nhw.
Hoffem ddiolch i bawb a gymerodd ran – roedd yr holl geisiadau yn wych!
Ceisiadau buddugol
Bydd y 25 poster buddugol yn cael eu harddangos ar hyd llwybr gerdded y Morglawdd yn ystod yr haf. Mae dros 1 miliwn o bobl yn ymweld â’r Morglawdd bob blwyddyn, felly bydd eich gwaith celf yn enwog!
Cofnodion canmoladwy
Edrychwch ar weddill ein ceisiadau gwych, a grëwyd gan artistiaid ifanc talentog ledled Caerdydd:
