Yn 2025, mae Awdurdod Harbwr Caerdydd yn dathlu ei ben-blwydd yn 25 oed. Carreg filltir sy’n anrhydeddu chwarter canrif o stiwardiaeth ymroddedig dros un o lannau mwyaf eiconig Cymru.
Ers ei sefydlu, mae Awdurdod yr Harbwr wedi chwarae rhan hanfodol wrth drawsnewid Bae Caerdydd yn ganolfan fywiog o ddiwylliant, ecoleg a
hamdden.
Mae’r pen-blwydd hwn yn fwy na dathliad o ragoriaeth weithredol. Mae’n gyfle i fyfyrio ar y gwaith a’r bobl sydd wedi siapio hunaniaeth y Bae.
© Cymdeithas Porthladdoedd Prydain a Chyngor Caerdydd
Golygfa hanesyddol o’r awyr o Ddociau Caerdydd, sy’n dal calon ddiwydiannol y ddinas yn ystod ei hanterth morol – llongau, warysau a rhwydwaith cymhleth o ddociau a wnaeth Caerdydd yn un o borthladdoedd prysuraf y byd ar un adeg.
© Awdurdod Harbwr Caerdydd
Cam cynnar o adeiladu’r Morglawdd, gan gynnwys peiriannau trwm a lorïau, yn llywio mwd a chreigiau. Roedd graddfa’r prosiect yn enfawr, gan gynnwys 135,000 tunnell o goncrid, 250,000 tunnell o greigiau, 1.7 miliwn tunnell o dywod, a 2 filiwn tunnell o silt wedi’i garthu.
© Awdurdod Harbwr Caerdydd
Cipolwg ar y Morglawdd yn cael ei adeiladu gan Gorfforaeth Datblygu Bae Caerdydd – prosiect enfawr a drawsnewidiodd y glannau ac a luniodd ddyfodol y Bae.
© Croeso Cymru
Bellach yn lan môr bywiog wedi, i siapio gan ddatblygiad ac adfywiad Morglawdd Bae Caerdydd, mae’r ardal, a reolir gan staff Awdurdod yr Harbwr, yn ffynnu fel lle i bobl, stiwardiaeth amgylcheddol a mordwyo.
Arddangosfa
Trwy’r arddangosfa ‘Y Tu ôl i’r Bae’ hon, rydym yn hyrwyddo pwysigrwydd rhannu ein gwaith ar y cyd trwy lygaid ein staff.
Gallwch weld lluniau’r arddangosfa a chael gwybodaeth am rôl ein timau.
Tynnwyd yr holl ffotograffau yn yr arddangosfa hon gan Nick Pumphrey, oni nodir yn wahanol.
Mae’r tîm hwn yn sicrhau bod:
- y Bae Mewndirol,
- yr Harbwr Allanol, ac
- afonydd Taf ac Elái.
Mae hyn yn cynnwys cynnal a chadw cymhorthion llywio, gorfodi is-ddeddfau, a chydlynu â’r gwasanaethau brys.
Mae’r tîm wedi cefnogi’r gwaith o ddatblygu amwynderau cyhoeddus, gan gynnwys pontynau, llithrfeydd ac angorfeydd, gan alluogi ystod eang o weithgareddau hamdden.
Mae tri meistr cychod a phum gweithredwr morol yn gweithio bob dydd i helpu i gadw dŵr y Bae yn glir o sbwriel a malurion, ac maen nhw’n casglu 500 tunnell y flwyddyn ar gyfartaledd.
Mae Amgylchedd y Cei yn cael ei reoli gan y Goruchwyliwr, Dave, sy’n sicrhau bod gwastraff yn cael ei reoli a’i wahanu’n ddiogel, ynghyd â gweithgareddau eraill.
Tim, Dirprwy Harbwrfeistr, ar gwch Patrôl yr Harbwr, yn siarad â thîm Rheoli’r Morglawdd trwy VHF.
Patrôl yr Harbwr yn paratoi haliad cyfochrog i gynorthwyo cwch hwylio sydd wedi torri.
Harbwrfeistr, Andrew, ar batrôl yn y Bae.
Harbwr 1 ar waith ar Afon Taf, yn casglu malurion o rwystr i gadw’r ddyfrffordd yn glir drwy gydol y flwyddyn.
Y criw ar fwrdd Harbwr 1 yn cludo cychod sgip llawn yn ôl i Gei’r Amgylchedd o rwystr malurion, gan sicrhau bod y Bae yn parhau’n lân ac yn bosibl ei lywio.
Ein Goruchwyliwr Cei medrus, Dave, yn goruchwylio gweithrediadau dyddiol yng Nghei’r Amgylchedd gyda manwl gywirdeb ac ymroddiad. Diogelwch yw ei brif flaenoriaeth, mae’n sicrhau bod popeth yn rhedeg yn ddidrafferth.
Dave yn symud braich fecanyddol gyda manwl gywirdeb, gan ddadlwytho sgipiau llawn malurion a ddaeth i mewn ar Harbwr 1.
Tîm Morol yr Harbwr yn gweithio’n galed, yn jetolchi pontynau yr Harbwr Mewnol – gan gadw’r glannau yn lân, yn ddiogel ac yn barod i ymwelwyr.
Y tîm Morol yn dechrau archwiliadau a gweithrediadau cynnar ym mhontynau yr Harbwr Mewnol cyn i’r Bae lenwi gydag ymwelwyr.
Harbwr Caerdydd 2 ar waith yn ystod taith cynnal a chadw ac archwilio bwis blynyddol, i sicrhau llywio diogel yn yr Harbwr.
Cwchfeistr, Annie, yn arwain criw o weithredwyr morol yn fedrus, sy’n gweithio’n ddiflino ym mhob tywydd i gadw’r Bae yn ddiogel ac yn glir o falurion.
Tommy, un o’n gweithredwyr morol, yn gweithio mewn tîm ymroddedig sy’n patrolio’r Bae, yn jetolchi pontynau yr Harbwr Mewnol, ac yn cadw’r dŵr yn lân drwy glirio sbwriel o’r rhwystrau.
Y tîm Morol ar Harbwr Caerdydd 2, yn cynnal gweithrediadau glanhau yn safle bws dŵr Morglawdd y De, yn barod i’w ddefnyddio gan weithredwyr cychod masnachol a’u teithwyr.
Mae’r tîm Rheoli Adeiladau yn Awdurdod Harbwr Caerdydd yn cael ei oruchwylio gan Phil, Syrfëwr Adeiladu profiadol, sy’n chwarae rhan ganolog
wrth gynnal cyfanrwydd ac ymarferoldeb eiddo’r Awdurdod.
Mae Phil yn gyfrifol am sicrhau bod ein hadeiladau yn bodloni safonau diogelwch ac amgylcheddol trylwyr. Mae ei ddyletswyddau’n cynnwys cynnal arolygiadau rheolaidd, cydlynu gwaith cynnal a chadw ac
atgyweirio, rheoli cydymffurfiaeth â rheoliadau iechyd a diogelwch a gweithredu mentrau adnewyddu asedau.
Mae hefyd yn cysylltu â chontractwyr i sicrhau bod yr holl brosiectau yn cael eu cyflawni’n effeithlon ac i safon uchel. Mae arbenigedd Phil yn sicrhau bod yr adeiladau’n parhau i fod yn ddiogel, yn weithredol ac
yn addas i’r diben, gan gefnogi ein gweithrediadau o ddydd i ddydd.
Phil yn cynnal gwiriadau adeiladu statudol.
Phil yn trafod portffolio adeiladau’r Harbwr â Natalie Taylor, Arweinydd Tîm ar gyfer Cyswllt Cymunedol.
Asesu diffygion ar unedau trin aer.
Profi pwynt galw larwm tân.
Dewch i gwrdd â’r tîm y tu ôl i rai o brofiadau cyhoeddus mwyaf bywiog a diddorol Bae Caerdydd! Dyma’r gweledyddion y tu ôl i atyniadau fel
arddangosfa awyr agored Capten Scott a cherflun a mainc lyfrau mympwyol y Crocodeil Enfawr – mae eu cyffyrddiad creadigol yn dod â straeon y Bae yn fyw.
Nhw hefyd a fapiodd Llwybr 10km golygfaol Bae Caerdydd i gerddwyr a beicwyr; ac maen nhw’n hybu diogelwch dŵr mewn ysgolion gyda’r ddrama Just Jump sy’n ysgogi meddwl, ac yn hyrwyddo teithiau treftadaeth ymdrochol sy’n datgelu gorffennol cyfoethog y Bae.
Gan gysylltu â miloedd o bobl drwy gyfryngau cymdeithasol deinamig ac ymgyrchoedd ymwelwyr, marchnata a mentrau ar lawr gwlad, mae’r tîm hwn wrth wraidd gwneud y Bae yn rhywle i archwilio,dysgu a mwynhau.
Mae Arweinydd y Tîm, Natalie, yn dod â hanes yn fyw yn Arddangosfa Scott ar Forglawdd Bae Caerdydd – gan rannu straeon am anturiaethau Antarctig gyda fforwyr ifanc chwilfrydig, wedi’u cipio yn ystod sesiwn ffotograffau Croeso Caerdydd.
Dewch i gwrdd â Snowdog, ci eira gwyllt â streipiau fel teigr, wedi ei noddi gan dîm Cyswllt Cymunedol Awdurdod Harbwr Caerdydd. Roedd ‘That Snow Tiger, yn rhan o Lwybr
Snowdog Tails in Wales, ddaeth â rhywfaint o liw a chryn dipyn o risgl i’r Bae!
Eiliad bwerus o Y Naid – cydweithrediad deinamig rhwng Awdurdod yr Harbwr a Theatr na nÓg, wedi’i gynllunio i ennyn diddordeb cynulleidfaoedd ifanc gyda negeseuon
hanfodol am ddiogelwch dŵr trwy adrodd straeon,cerddoriaeth a theatr.
Golygfa Nadoligaidd o Lwybr Eira Bae Caerdydd – profiad tymhorol wedi ei greu gan y tîm Cyswllt Cymunedol, mewn partneriaeth â Phartneriaid y Glannau, i blesio ymwelwyr o bob oed a dod â rhywfaint o hud y gaeaf i’r Bae.
Gyda chefnogaeth Awdurdod yr Harbwr ac Arts & Business Cymru, mae teithiau perfformio Penigamp Lighthouse Theatre yn mynd â chyfranogwyr ar daith ysgafn dros 3,000 o flynyddoedd trwy hanes diddorol y Bae trwy straeon, slapstic, caneuon pop a sianti môr.
Mwyngloddio’r Bae: lle mae celf yn cwrdd â gwyddoniaeth. O wydr môr trawiadol a chen eog i harddwch cudd crisialau halen môr a llwch glo, mae’r arddangosfa hudolus hon yn cynnig cipolwg microsgopig ar y Bae.
Mae cerflun trawiadol ar Forglawdd Bae Caerdydd, Radio Ynys Echni, yn gwahodd ymwelwyr i ddysgu am stori’r ynys drwy’r prosiect hwn gan Gronfa Dreftadaeth y Loteri
Genedlaethol, gan uno’r artist, y cerflunydd, Ynys Echni a thîm Awdurdod yr Harbwr.
Cefnogwyr ifanc Roald Dahl yn cymryd seibiant ar y fainc lyfrau yn dathlu Y Crocodeil Enfawr, rhan o osodwaith yn dathlu canmlwyddiant yr awdur enwog ar y Morglawdd.
Ers 2000, mae’r tîm dŵr daear yn Awdurdod Harbwr Caerdydd wedi chwarae rhan hanfodol yn monitro a rheoli lefelau dŵr daear a rheoli›r Cynllun Diogelu Eiddo (CDE).
Mae’r CDE bellach wedi dod i ben a dim ond dau safle monitro dŵr
daear sydd ar ôl yng Ngerddi Merches a Stadiwm Principality, y mae Phil, y Rheolwr Dŵr Daear, yn gyfrifol amdanynt.
Phil, y Rheolwr Dŵr Daear, yn cael mynediad at dwll turio monitro data yng Ngerddi Merches.
Paratoi’r cebl trosglwyddo data monitro dŵr daear ar gyfer lawrlwytho.
Lawrlwytho data o’r twll turio i ffôn symudol
Mesur y lefelau dŵr yn y twll turio.
Mae tîm Amgylchedd Awdurdod Harbwr Caerdydd yn allweddol i reolaeth amgylcheddol y Bae dŵr croyw 200 hectar. Mae’n monitro ansawdd dŵr
mewn naw lleoliad, gan olrhain paramedrau fel lefelau ocsigen, halltrwydd, tymheredd a pH – gan gasglu dros 12 miliwn o gofnodion data hyd yma, a
chyhoeddi rhagfynegiadau dyddiol.
Mae’r tîm hefyd yn cyflwyno sesiynau addysgiadol; yn rheoli mannau gwyrdd, gan gynnwys Gwarchodfa Gwlyptiroedd Bae Caerdydd a glannau afonydd; ac yn goruchwylio rheoli plâu. Mae ymdrechion cadwraeth yn cynnwys mynd i’r afael â rhywogaethau ymledol, cefnogi bioamrywiaeth, monitro’r llwybr pysgod i gefnogi cynefinoedd afonydd a sicrhau ymateb
amgylcheddol brys.
Steve yn cau’r ardal ger y llwybr pren fel rhagofal diogelwch, oherwydd rhagweld cynnydd yn lefel y dŵr.
Yn ôl i natur ar y Morglawdd: David yn cynnal archwiliad yn y Goedwig Fach.
David yn paratoi ar gyfer sesiwn dipio mewn pyllau gydag ysgol gynradd leol; rhan o’n rhaglen addysgol ddifyr, sydd wedi’i chynllunio i gysylltu plant â natur a bioamrywiaeth leol yng Ngwarchodfa Gwlyptiroedd Bae Caerdydd.
David a Steve yn gweithio ar drap mosgito ar y Morglawdd fel rhan o’r Rhaglen Mosgitos
Genedlaethol gydweithredol.
Mae Steve (trydydd o’r dde) yn gweithio gyda nifer o grwpiau gwirfoddol. Yma, ymunodd â staff Cei’r Fôr-Forwyn i gasglu sbwriel ar hyd y Morglawdd, gan helpu i gadw’r ardal yn lân ac yn groesawgar i bob ymwelydd.
Diwrnod arferol yn y gwaith yn y Bae: Tim a Jim.
Tim a Dave yn adfer sond.
Dave yn paratoi poteli samplau dŵr yn y labordy.
Dave a Tim yn glanhau sond (offeryn ansawdd dŵr).
Y cwch ar waith.
Tim yn mynd i,
r dŵr.
O dan enfys: cwch Syrfewyr Caerdydd yn mynd allan
Angori’r cwch yng Nghei’r Amgylchedd gyda Tim, Dave, a Jim wrth y llyw.
Tim a Jim yn y labordy mewnol.
Rheolydd offer aml-baramedr, a ddefnyddir ar gyfer monitro ansawdd dŵr.
Rydym yn falch o gefnogi datblygiad talent yn y dyfodol trwy ein rhaglenni prentisiaethau. Mae prentisiaid yn chwarae rhan hanfodol yng ngweithrediadau Awdurdod Harbwr Caerdydd o ddydd i ddydd, gan ennill profiad ymarferol ar draws amrywiaeth o ddisgyblaethau, gan
gynnwys marchnata digidol, gweinyddu busnes a pheirianneg.
O dan arweiniad mentoriaid profiadol, mae prentisiaid yn datblygu sgiliau ymarferol, yn cyfrannu at brosiectau ystyrlon ac yn datblygu sylfaen gadarn ar gyfer eu gyrfaoedd yn y dyfodol. Mae meithrin talent newydd yn adlewyrchu gweledigaeth hirdymor yr Awdurdod ar gyfer parhad busnes, arloesi ac ymgysylltu â’r gymuned.
Mae Jess (chwith), cyn-Brentis Gweinyddu Busnes, bellach yn chwarae rôl allweddol fel rhan o’n tîm gweinyddol.
Mae Ishmael ac Adrian (chwith a dde) yn datblygu eu sgiliau trwy brentisiaethau Gweinyddu Busnes, cefnogi swyddogaethau hanfodol swyddfa a dysgu gweithrediadau mewnol y sector cyhoeddus.
Ar hyn o bryd mae Izzy ac Ellie yn ymgymryd â phrentisiaethau Marchnata Digidol, gan helpu i wella presenoldeb ar-lein a chydweithrediad allanol yr Awdurdod.
Yn gyfrifol am oruchwylio ardal Bae Caerdydd, mae Peiriannydd Prosiectau profiadol Awdurdod Harbwr Caerdydd, Chris, yn chwarae rhan hanfodol
wrth reoli a chynnal a chadw ei ardal gyhoeddus. Mae hyn yn cynnwys cynnal a chadw’r tŵr dŵr eiconig, amwynderau cyhoeddus, a seilwaith
allweddol, fel Roald Dahl Plass.
Yn ogystal â’r cyfrifoldebau hyn, mae Chris hefyd yn cynnal archwiliadau gweledol ar y safle i sicrhau bod ardaloedd yn ddiogel, yn hygyrch ac
yn groesawgar i ymwelwyr. Trwy gynnal a chadw rhagweithiol, cynllunio asedau ac ymagwedd ymarferol at ddiogelwch y cyhoedd, mae e’n
cefnogi gweithrediad didrafferth gweithgareddau’r Harbwr, wrth wella profiad y Bae i drigolion, busnesau ac ymwelwyr fel ei gilydd.
Chris, peiriannydd, y tu mewn i ystafell beiriannau danddaearol y Tŵr Dŵr yn Roald Dahl Plass, yn cynnal gwaith gwirio trydan a goleuadau’r Harbwr Mewnol.
Y tu mewn i,
r tŵr, yn cynnal archwiliad cynnal a chadw o’r adeiledd.
Am olygfa! Yn sefyll ar ben y tŵr.
Roald Dahl Plass a’r Harbwr Mewnol, y mae’r ddau ar restr wirio cynnal a chadw Chris.
Yn gynnar yn y 2000au, cyflawnodd y tîm Peirianneg Contractau amryw brosiectau, gan gynnwys:
- Llwybr cyswllt y Morglawdd â’r Bae
- Adnewyddu Roald Dahl Plass
- Safleoedd bws dŵr, Adeilad yr Amgylchedd a’r cei
- Cynllun Pont y Werin
- Yr adeilad storio cychod yng Nghanolfan
- Hamdden Trem y Môr
- Dŵr Gwyn Rhyngwladol Caerdydd
- Ardal ddigwyddiadau Pentir Alexandra
Yn ystod y blynyddoedd diwethaf, mae’r Peiriannydd Prosiect, Chris, wedi arwain y gwaith llwyddiannus o ailosod llwybr pren yr Harbwr Mewnol, gan adfywio man cyhoeddus allweddol ym Mae Caerdydd. Mae hefyd yn goruchwylio’r gweithrediadau carthu hanfodol yn yr Harbwr Allanol a’r Sianel Ddynesu – tasg hanfodol sy’n sicrhau mordwyo diogel ac yn cydymffurfio â Deddf Morglawdd Bae Caerdydd.
Roedd y tîm yn sicr wedi gwneud sblash wrth reoli’r contract ar gyfer adeiladu’r cyfleuster o’r radd flaenaf, Dŵr Gwyn Rhyngwladol Caerdydd.
Pontio cymunedau: Rheolodd tîm Contractau y gwaith o adeiladu Pont y Werin, pont allweddol i gerddwyr a beicwyr sy’n cysylltu Bae Caerdydd â Phenarth, yn llwyddiannus. Helpodd eu gwaith i wella cysylltedd a hyrwyddo teithio cynaliadwy ar draws y rhanbarth.
Cynnal taith ddiogel: Ddwywaith y flwyddyn, mae Chris, sy’n Beiriannydd Prosiect, yn rheoli’r contract i garthu’r Harbwr Allanol er mwyn cael gwared ar waddod sydd wedi cronni a sicrhau bod llongau yn gallu llywio’n ddiogel ac yn effeithlon trwy gydol y flwyddyn.
Crëwyd y gofod cyhoeddus eiconig hwn yng nghanol Bae Caerdydd. Heddiw, mae Chris yn sicrhau ei fod yn parhau i fod yn ddiogel, yn lân ac yn barod ddydd a nos ar gyfer digwyddiadau, gan oruchwylio’r gwaith cynnal a chadw a’i reoli ar gyfer y miloedd o ymwelwyr sy’n cerdded drwodd bob blwyddyn.
Mae tîm Rheoli’r Morglawdd, sydd â 15 o aelodau, yn gweithio ddydd a nos i oruchwylio’r cysylltiad rhwng y Bae dŵr croyw a llanw Môr Hafren. Yn gweithredu 24/7, 365 diwrnod y flwyddyn, mae’n rheoli tri loc y Morglawdd, gan sicrhau bod cychod yn gallu pasio’n ddiogel a lefelau’r dŵr yn sefydlog.
O’i safle yn Adeilad Rheoli’r Morglawdd, mae’r tîm yn monitro amodau llanw yn barhaus, gan addasu gatiau’r Morglawdd i atal llifogydd a chynnal lefelau dŵr. Mae hefyd yn rheoleiddio gatiau’r llifddorau i ryddhau dŵr gormodol, gan amddiffyn y seilwaith o amgylch.
Mae Chris, Rheolwr Morglawdd, yn arwain y timau peirianneg a rheoli sy’n gyfrifol am weithredu Morglawdd Bae Caerdydd yn ddiogel a’i gynnal a chadw. Mae ei rôl yn cynnwys sicrhau bod y morglawdd yn parhau’n gwbl weithredol ac yn cydymffurfio â Deddf Morglawdd Bae Caerdydd 1993.
Mae gweithrediad y llifddorau yn broses hanfodol. Mae’r tîm yn dehongli data llif o afonydd Elái a Thaf; yna mae penderfyniadau’n cael eu gwneud am y cyfluniadau o agor y llifddorau sydd eu hangen i gynnal lefel y Bae.
The sluice operation is a critical process. The team interprets flow data from the rivers Ely and Taff; decisions are then made on the sluice opening configurations
needed to maintain the Bay level.
Defnyddir radios llaw a VHF i gyfathrebu â llongau a staff, arwain y defnydd o’r lociau cywir, a chynorthwyo yn ystod digwyddiadau ar y dŵr.
Mae’r rhwydwaith hwn o orielau o dan y Morglawdd yn gartref i’r pŵer, y gwasanaethau, y cyfathrebu a’r systemau wrth gefn sydd eu hangen i’w weithredu.
Mae tîm Rheoli’r Morglawdd yn monitro gweithrediadau o’r ystafell reoli wrth i’r pontydd loc ar Forglawdd Caerdydd gael eu codi’n ddiogel, gan ganiatáu i longau basio rhwng Bae Caerdydd a Môr Hafren.
Mae’r tri loc yn caniatáu mynediad i longau ym mhob cyfnod o’r llanw. Mae system gymhleth o reolwyr lefel yn sicrhau bod llongau’n gallu cael mynediad i’r Morglawdd yn ddiogel.
Goruchwyliaeth 24/7: mae tîm Rheoli’r Morglawdd yn cadw Harbwr Caerdydd i symud, hyd yn oed yn y nos.
Dewch i gwrdd â’r pwerdy y tu ôl i’r Morglawdd – tîm agos o bum peiriannydd arbenigol, dan arweiniad. Prif Beiriannydd profiadol. Gyda dau arbenigwr trydanol a thri arbenigwr mecanyddol, mae pob un yn cynnig blynyddoedd o brofiad ymarferol mewn peirianneg trwm.
O brofion arferol manwl i gynnal a chadw wedi’i gynllunio’n fanwl, mae tîm Peirianneg y Morglawdd bob amser yn gwneud rhywbeth. Nhw yw’r ymatebwyr cyntaf i unrhyw rwystr technegol, gan weithredu system wrth gefn ddydd a nos, 365 o ddiwrnodau’r flwyddyn i sicrhau bod popeth yn gweithio’n ddidrafferth. P’un a yw’n waith uwchraddio wedi’i drefnu neu rhywbeth yn torri i lawr yn annisgwyl, mae’r tîm hwn bob amser yn barod i weithredu a chadw calon y Morglawdd i guro.
Gareth, Prif Beiriannydd, yn rheoli tîm peirianneg y Morglawdd a’r holl weithgareddau cynnal a chadw.
Uwch Beiriannydd Mecanyddol, Richard, yn cwblhau rhywfaint o saernïo yn y gweithdy peirianneg.
Kearan a Callum, Peirianwyr Mecanyddol, yn paratoi ar gyfer rhywfaint o waith.
Kearan yn cynnal archwiliad a chynnal a chadw blynyddol hanfodol ar y llifddorau, ar ôl iddynt gael eu stopio a’u draenio. Mae’r strwythurau hanfodol hyn yn rheoli’r lefelau yn y Bae ac yn amddiffyn rhag grymoedd llanw.
Uwch Beiriannydd Trydanol, Mike, yn archwilio is-orsaf drydanol yn adeilad Rheoli’r Morglawdd.
Kearan a Callum yn archwilio’r hydroleg y tu mewn i un o’r cabanau llifddor.
Y cabanau llifddor, sy’n lletya ac amddiffyn yr hydroleg ar gyfer y llifddorau.
Mike yn yr ystafell switsh foltedd isel.
Nid yw gofalu am Ynys Echni yn gamp fach – mae angen tîm ymroddedig ac amrywiol i warchod ei amgylchedd a’i threftadaeth unigryw. Yn ganolog i’r ymdrech hon mae tîm Wardeiniaid yr Ynys sy’n gwarchod bywyd gwyllt Ynys Echni ac yn cynnal adeileddau hanesyddol, fel y barics o oes Fictoria a bynceri yn ystod y rhyfel.
Mae gwirfoddolwyr yn chwarae rhan hanfodol hefyd, gan gynorthwyo gyda rheoli cynefinoedd, teithiau tywys a chynnal a chadw o ddydd i ddydd, tra bod tîm cymorth pwrpasol yng Nghaerdydd yn gweithio y tu ôl i’r llenni i helpu i gadw’r ynys i redeg yn ddidrafferth.
Mae’r tîm brwdfrydig hwn yn sicrhau bod Ynys Echni yn parhau nid yn unig yn noddfa ar gyfer bywyd gwyllt, ond hefyd yn lle i bobl allu cysylltu â natur a hanes.
Ymwelwyr o bob oed yn mynd i’r ffermdy hanesyddol, yn barod am ddiwrnod o grwydro neu noson ger y môr ac o dan y sêr. Mae teithiau tywys, dan arweiniad y Warden Megan a’r tîm gwirfoddoli, yn dod â’r dreftadaeth gyfoethog a’r harddwch naturiol yn fyw.
Gan warchod hanes yr ynys, un garreg ar y tro: Mae’r Warden a’r gwirfoddolwyr yn cymuno â’i gilydd i wneud rhywfaint o waith treftadaeth ymarferol ar Ynys Echni drwy adfer muriau cerrig sych.
O nadroedd defaid swil i adar y môr sy’n gwawchio, mae pob creadur yn cyfrif ar Ynys Echni! Mae Megan a’r Wardeniaid Gwirfoddol ar genhadaeth i fonitro’r bywyd gwyllt – mae pob creadur a welwn yn ein helpu i ddysgu, amddiffyn a dathlu byd natur.
Mae Megan, Simon, Toby, Evan a Tom yn ymuno â Jim a Tim ar fwrdd y cwch arolygu. Gyda’i gilydd, maen nhw’n mynd i’r afael â logisteg heriol dosbarthu cyflenwadau a symud gwastraff.
Wedi’i lleoli ar Forglawdd Bae Caerdydd, mae Canolfan Hwylio Caerdydd wedi bod yn gonglfaen chwaraeon dŵr Cymru ers degawdau. Dan arweiniad Anthony, hwyliwr profiadol gyda blynyddoedd o brofiad hyfforddi, dyma le mae anturiaethau bythgofiadwy yn cael eu creu, sgiliau yn cael eu rhannu, a chariad at y dŵr yn cael ei drosglwyddo i eraill.
Trwy fod yn ganolfan hyfforddi gydnabyddedig gyda’r Gymdeithas Hwylio Frenhinol sydd ag etifeddiaeth yn dyddio’n ôl i 1968 ac sydd wedi derbyn gwobr Chwaraeon Anabledd Cymru, mae’r ganolfan wedi meithrin cenedlaethau o hwylwyr, gan gynnwys pencampwyr Olympaidd, ac mae’n parhau i ysbrydoli pobl o bob oedran a gallu mewn hwylio dingi, celfadio a chychod pŵer.
Anthony, Prif Swyddog Hwylio, yn rhoi briff diogelwch i Gemma cyn rigio.
Ein hyfforddwyr yn tywys morwyr ifanc wrth iddynt gymryd y rhaffau ar ddiwrnod tawel ym Mae Caerdydd – rhan o’n hymrwymiad i gynnig profiadau sy’n ddiogel, yn hwyl ac yn magu hyder ar y dŵr.
Morwyr iau, yn datblygu eu sgiliau ac yn cymryd y llyw fel rhan o’n Cynllun Ar y Dŵr RYA ymarferol ar gyfer ysgolion a phobl ifanc.
Codi’r prif hwyliau: mae’n amser hwylio!
Ar lannau Afon Taf yn ne Caerdydd, mae Canolfan Rwyfo Caerdydd wedi bod yn hyb ar gyfer chwaraeon dŵr ers dros 20 mlynedd.
Mae’r cyfleuster yn cynnig mynediad uniongyrchol i’r afon a Bae Caerdydd, gan ei wneud yn ddelfrydol ar gyfer rhwyfwyr newydd a phrofiadol. Gyda thîm ymroddedig o hyfforddwyr cymwysedig yn genedlaethol yn cyflwyno rhaglenni cynhwysol, mae’r ganolfan wedi cyflwyno miloedd o unigolion, teuluoedd a grwpiau ysgol i lawenydd rhwyfo.
Gan helpu i fagu hyder, ffitrwydd ac ysbryd cymunedol ar y dŵr, mae Canolfan Rwyfo Caerdydd yn dathlu’r bobl, yr angerdd a’r cynnydd sydd wedi ei gwneud yn rhan o fywyd chwaraeon y ddinas.
Hyfforddwr Canolfan yn cynnal gwiriad diogelwch offer cyn i gyfranogwr gychwyn ei gwrs ‘Llafnau 1 i Oedolion – Dysgu Rhwyfo’.
Yn barod i fwrw’r cwch i’r dŵr: cyfranogwr y cwrs yn derbyn cyfarwyddiadau terfynol cyn padlo i fyny’r afon.
Pedwar â Llywiwr Celtic Coastal yn y Bae am sesiwn hyfforddi.
Digwyddiad hyfforddi ar gyfer Tîm Rhwyfo Iau y Menywod ar Afon Taf.
Dros y 25 mlynedd diwethaf, mae aelodau tîm Awdurdod Harbwr Caerdydd wedi cynnal a chefnogi amrywiaeth eang o ddigwyddiadau – o’r Gyfres Hwylio Eithafol llawn adrenalin a Gŵyl Harbwr Caerdydd i deuluoedd, i Ŵyl Bwyd a Diod Caerdydd, a pherfformiadau cerddoriaeth fyw o’r radd flaenaf yng Nghyfres y Bae. Rydym hefyd wedi hwyluso digwyddiadau diwylliannol mawr, gan gynnwys dyfodiad Ras Fôr Volvo, ac mae Roald Dahl Plass wedi dod yn gartref i Barc Hwyl i’r Teulu blynyddol Bae Caerdydd.
Croesawodd Awdurdod Harbwr Caerdydd y Gyfres Hwylio Eithafol i Fae Caerdydd, gan ddod â chyffro rasio a glannau o’r radd flaenaf i bawb ei fwynhau!.
Yn ffefryn i ymwelwyr, mae Gŵyl Bwyd a Diod eiconig Caerdydd yn dod â’r Bae yn fyw bob haf gyda blasau bydeang, danteithion lleol a stondinau marchnad bywiog.
Roedd Gŵyl Harbwr Caerdydd yn goleuo gŵyl y banc ym mis Awst am flynyddoedd gyda theatr gerdded hudolus, arddangosiadau achub dŵr cyffrous a llongau tal mawreddog.
O lannau tywodlyd i reidiau gwefreiddiol, mae Parc Hwyl i Deuluoedd Bae Caerdydd – oedd yn cael ei alw’n Draeth Bae Caerdydd gynt – yn parhau i ddod â hwyl glan môr i ganol y Bae.
