Ymweliadau
Mae tripiau ar gael trwy gydol y flwyddyn i ymweld ag Ynys Echni, o dripiau dydd i arosiadau dros nos (gweler isod), neu gyfres o enciliadau a gweithdai.
Mae teithiau cwch wedi’u trefnu ymlaen llaw i’r ynys sy’n gadael Caerdydd sawl gwaith y mis. Mae’r tripiau yn caniatáu hyd at dair awr ar yr ynys, yn dibynnu ar amseroedd y llanw.
Fel arall, gallwch deilwra eich ymweliad eich hun os ydych yn mynd gyda grŵp mawr neu os hoffech aros am ddiwrnod hir neu dros nos.
Ymweliadau undydd
Mae ymweliad dydd byr ag Ynys Echni yn cynnig hyd at dair awr ar yr ynys a chyfle unigryw i weld cadwraeth, bywyd gwyllt ac adeiladau hanesyddol Ynys Echni.
Gallwch archebu hwylio i’r Ynys am ddiwrnod gyda’r gweithredwyr canlynol:
Mae ffi lanio o £10 i oedolion a phlant yn daladwy i’r warden ar ôl cyrraedd yr ynys.
Cysylltwch â’r gweithredwr cychod ynglŷn â phrisiau’r cychod.
I’ch helpu i fwynhau’ch amser ar Ynys Echni, dewch yn barod ar gyfer tywydd newidiol a chyfleusterau sylfaenol.
Rydym yn argymell gwisgo dillad gwrth-ddŵr, esgidiau cadarn a haenau sy’n addas ar gyfer pob tywydd. Mae het haul ac eli haul yn cael eu hargymell yn gryf hefyd.
Mae tafarn yr ynys ar agor yn ystod diwrnodau ymwelwyr ac mae’n gwerthu diodydd poeth a meddal, diodydd alcoholig, a dewis bach o fyrbrydau, gan gynnwys creision, fflapjacs a siocled. Rydym yn awgrymu i chi ddod â phecyn cinio.
Arosiadau dros nos ac ymweliadau preswyl
-
- Mae llety ar ffurf ystafelloedd cysgu ar gael yn ffermdy, y gall hyd at 24 person gysgu ynddynt (ystafelloedd gyda 2, 10 a 12 gwely). Mae’n cynnwys cegin llawn offer, ardal fwyta, lolfa, ac ystafelloedd tŷ bach/ymolchi a chawod, yn ogystal â gardd Fictoraidd â wal o’i chwmpas, gyda barbeciw cerrig ar gyfer ymlacio yn yr awyr agored.
- Mae gwersylla ar gael ym mhadogau’r ffermdy (ni ddarperir pebyll), gyda mynediad i doiledau a chawodydd y ffermdy.
- Mae’r bwthyn corn niwl rhestredig Gradd II wedi cael ei droi yn fwthyn hunan-arlwyo, yn cynnig ystafell â gwely dwbl, ystafell â dau wely sengl, lolfa gyda soffa wely dwbl, dwy ystafell tŷ bach a chawod, cegin yn cynnwys yr holl offer angenrheidiol, ac ystafell fwyta gyda bwrdd a chadair i chwech o bobl. Mae’r bwthyn clyd hefyd yn cynnwys boeler biomas ar gyfer gwres, mynedfa yn y blaen a’r cefn, a gardd breifat gyda barbeciw cerrig a golygfeydd ysbrydoledig. Wedi’i ddodrefnu mewn partneriaeth â John Lewis Caerdydd, dyma’r lle delfrydol i ddianc rhag bywyd bob dydd.
- Mae dewisiadau eraill yn cynnwys pedwar pod unigol gyda goleuadau solar, ac iwrt i hyd at chwech o bobl ym mhadogau’r ffermdy.
- Darperir dillad gwely llawn ym mwthyn y corn niwl ac ar gyfer yr enciliadau a’r cyrsiau.
Ar gyfer pob llety arall, dewch â chas gobennydd, cynfas sengl, a sach gysgu. - Darganfyddwch fwy am ein henciliadau a gweithdai.
I drefnu ymweliad preswyl cysylltwch â:
Swyddfa Archebu Ynys Echni,
Awdurdod Harbwr Caerdydd,
Ty’r Frenhines Alexandra,
Heol y Cargo,
Bae Caerdydd
CF10 4LY
Ffôn: 029 2087 7900
Ymweliadau preswyl
Cost llety ystafell gysgu: oedolyn y noson – £20 / plentyn y noson – £16
Ffi gwersylla: oedolyn y noson – £10 / plentyn y noson – £8
Ffi bwthyn y corn niwl:
Cyn y Pasg ac o 1 Medi
Yn seiliedig ar hyd at 4 o bobl y noson – £100
Hyd at 2 berson ychwanegol y noson – £25 y pen
Gwyliau ysgol y Pasg tan 31 Awst (penwythnosau a gwyliau banc)
Yn seiliedig ar hyd at 4 o bobl y noson – £200
Hyd at 2 berson ychwanegol y noson – £50 y pen
Gwyliau ysgol y Pasg tan 31 Awst (yn ystod yr wythnos)
Yn seiliedig ar hyd at 4 o bobl y noson – £150
Hyd at 2 berson ychwanegol y noson – £40 y pen
Iwrt:
Yn addas i hyd at 4 o bobl – £100
Person ychwanegol – £25
Podiau unigol x 4:
Yn addas i un person – £30
Person ychwanegol – £15
Ffi glanio: £10 y pen
Teithiau addysgiadol
Mae Ynys Echni yn cynnig popeth sydd ei angen arnoch i archwilio’r byd cyffrous o addysg awyr agored. Ein nod yw cynnig Ynys Echni fel cyfleuster addysg amgylcheddol, tra’n dal i warchod yr Ynys fel gwarchodfa natur.
P’un a ydych chi’n bwriadu gwneud ymweliad addysgiadol am ddiwrnod, neu fwy o amser, ein nod yw darparu ar gyfer eich anghenion.
Mae ymweliadau dydd yn cynnwys taith gyffredinol o’r Ynys, gan archwilio ei hanes a’i bywyd gwyllt. Neu, os ydych chi’n awyddus i gwblhau maes pwnc penodol, gallwn weithio gyda chi i ddarparu gweithgareddau byrrach sy’n seiliedig ar addysg. Gallwn hefyd ddatblygu amserlen o weithgareddau ar gyfer grwpiau sy’n aros ar yr ynys am ychydig nosweithiau.
Mae croeso i grwpiau prifysgol gynnal eu rhaglen astudio eu hunain mewn ystod o feysydd, e.e. bioleg, astudiaethau morol, daeareg, celf.
Cysylltwch â ni ar 029 2087 7900 am fwy o wybodaeth neu i drafod eich gofynion addysgol.
Gwybodaeth ychwanegol i ymwelwyr
-
- A wnaiff pob ymwelydd ddarllen y wybodaeth bioddiogelwch hanfodol, sy’n esbonio sut i gadw’r Ynys yn ddiogel.
- Mae angen oedolion i oruchwylio grwpiau o blant. Mae nifer yr oedolion sydd eu hangen yn amrywio, gan ddibynnu ar ba fath o ymweliad ac oedran y plant. Cysylltwch â ni am fanylion.
- Mae angen i grwpiau ddarparu eu bwyd eu hunain.
- Nid ydym yn cynnig consesiynau i bensiynwyr, myfyrwyr na phobl ddi-waith.
- Ni chaniateir cŵn ar yr Ynys.
- Ni chaniateir nofio oherwydd cerrynt llanw cryf.
- Ni fydd taliadau yn cael eu had-dalu oni bai bod y Gweithredwr Cychod yn canslo’r daith oherwydd tywydd garw.
