Mae rhywogaeth brin o chwilen sy’n bwyta croen wedi ei chanfod yn byw ychydig filltiroedd oddi ar arfordir Caerdydd, ar yr anghysbell Ynys Echni, ac mae gwyddonwyr yn credu mai dyma o bosib gadarnle olaf y rhywogaeth yn y DU.<\/p>\n
Wedi’i darganfod gan d\u00eem o ecolegwyr o Ganolfan Cofnodion Bioamrywiaeth De-ddwyrain Cymru, dyma’r tro cyntaf i chwilen Dermestes undulatus gael ei chofnodi yng Nghymru, ac nid oes un wedi’i chofnodi yn Lloegr ers 2020.<\/p>\n
Dywedodd Sarah Morgan, Swyddog Ymgysylltu Cymunedol Ynys Echni: “Dyw hyn ddim ar gyfer y gwangalon, ond mae’r chwilen fach yma yn bwydo ar groen, ffwr ac esgyrn anifeiliaid marw \u2013 ystyr Dermestes yn llythrennol yw bwyt\u00e4wr croen. Maen nhw’n dipyn o boen gyda chasgliadau amgueddfeydd, ond maen nhw’n hynod ddefnyddiol mewn gwyddoniaeth fforensig i helpu i benderfynu pa mor hir mae corff wedi bod yn ei le.<\/p>\n
“Mae sut y cyrhaeddodd y chwilen yr ynys yn dipyn o ddirgelwch, o gofio eu bod nhw’n ymddangos i fod yn hollol absennol o’r tir mawr erbyn hyn, ond mae’n bosib iddyn nhw gael eu cludo draw gan wylanod yn cario gweddillion anifeiliaid.<\/p>\n
“Heb y t\u00eem yng Nghanolfan Cofnodion Bioamrywiaeth De-ddwyrain Cymru, efallai na fyddwn ni erioed wedi gwybod am y chwilod, felly mae’n rhaid diolch yn fawr iawn iddyn nhw.”<\/p>\n
Roedd darganfyddiadau nodedig eraill yn ystod bioblitz yr ynys yn cynnwys Cloronen Aeron Coch brin, ffyngau cwpan microsgopig, gwyfynod bach sy’n byw y tu mewn i goesynnau rhedyn, a’r Gem Pres Gloyw, gwyfyn sydd \u00e2 chuddliw rhyfeddol o effeithiol.<\/p>\n
Dwedodd y Cynghorydd Jennifer Burke, yr Aelod Cabinet dros Ddiwylliant, Parciau a Digwyddiadau:\u00a0 “Roedden ni eisoes yn gwybod bod Ynys Echni yn hafan i fyd natur – hi oedd yr ynys gyntaf yng Nghymru i ennill statws Caru Gwenyn, mae’n gartref i nythfa o wylanod cefnddu lleiaf, yn ogystal \u00e2 nadroedd defaid, cennin gwyllt a llawer mwy – ond gydag ymchwil ddiweddar yn dangos bod un o bob chwe rhywogaeth mewn perygl o ddiflannu, mae’r darganfyddiad newydd hwn yn ei gwneud hi’n bwysicach fyth ein bod yn parhau \u00e2’n gwaith i ddiogelu a gwarchod cynefin unigryw’r ynys.”<\/p>\n
Mae’r bioblitz yn rhan o’r prosiect Ynys Echni – Cerdded Drwy Amser, a ariennir gan Gronfa Dreftadaeth y Loteri Genedlaethol.<\/p>\n
Dermestes undulatus (credyd George Tordoff)<\/em><\/p>\n","protected":false},"excerpt":{"rendered":"Mae rhywogaeth brin o chwilen sy’n bwyta croen wedi ei chanfod yn byw ychydig filltiroedd oddi ar arfordir Caerdydd, ar yr anghysbell Ynys Echni, ac…","protected":false},"author":2,"featured_media":16588,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[163],"tags":[],"class_list":["post-16553","post","type-post","status-publish","format-standard","has-post-thumbnail","hentry","category-newyddion-ynys-echni"],"acf":[],"yoast_head":"\n