Drwy adeiladu Argae Bae Caerdydd cafwyd llyn dwr croyw ag ansawdd dwr unigryw a sialens rheoli dwr croyw cysylltiedig.  Er enghraifft, nid yw’r gofyniad Deddf Argae Bae Caerdydd i gynnal lefelau ocsigen toddedig uwchben 5mg/l drwy’r adeg ym mhob man yn bodoli’n unlle arall yn y byd.  Yn ogystal, credir mai arolygu cyflwr dros 20,000 o adeiladau rhwng Tachwedd 2001 a Thachwedd 2002 oedd y project mwyaf o’i fath.

Gwelir ymrwymiad Awdurdod Harbwr Caerdydd i reoli’r amgylchedd yn glir drwy fod y cyntaf i ennill achrediad ISO14001 (Systemau Rheoli Amgylcheddol) (Mawrth 2004).

Gellir cael gafael ar wybodaeth am reoli amgylchedd yr Awdurdod Harbwr dan y penawdau Ansawdd Dwr, Dwr Daear, a Chadwraeth ac Adfywio.  Mae’r olaf yn darparu gwybodaeth am brojectau ynni adnewyddadwy a strategaeth gynaliadwyedd yr Awdurdod Harbwr.